व्यंग्य

'वेलची' हे जनार्दन देवरे लिखित समकालीन राजकीय व्यंग्यात्मक मराठी लघुनाट्य आहे. राजकारण, माध्यमे, मराठी भाषा, आश्वासने आणि समाजातील विसंगतींवर हलक्याफुलक्या पण धारदार शैलीत भाष्य करणारे हे नाट्य रसिकांना विचार करायला भाग पाडते.

या लघू नाट्यांकातील सर्व पात्रे काल्पनिक असून ती भोवतालच्या एखाद्या व्यक्तिमत्त्वाशी जुळून आल्यास तो निव्वळ योगायोग समजावा. (फाकडोजी महाराज प्रसन्न मुद्रेने सिंहासनावर बसले आहेत. समोर सर्व दरबारी आसनस्थ झाले आहेत. तेवढ्यात सेवक दरबारात प्रवेशतो.) सेवक - महाराज, जय हो! विजय हो...! अभिनंदन! अभिनंदन महाराज! एक आनंदवार्ता आहे. महाराज - काय? आज एकदम आनंदवार्ता? (हे ऐकून दरबारातील सारेच मंत्री, प्रधानजी इ. आश्यर्याने सेवकाकडे पाहत.) एक मंत्री - काय? आनंदवार्ता! व्वाह! जय हो! विजय ह